2026 ஜூன் மாத சிறார் திரைப்படம்: The Little Princess | june Movie Screening Circular & Details

 

பள்ளிக் கல்வித்துறை – ஜூன் மாத சிறார் திரைப்படம் திரையிடல் வழிகாட்டு நெறிமுறைகள் & பதிவிறக்கம்
(The Little Princess - Movie Screening Circular & Details)

---

முன்னுரை:

தமிழ்நாடு பள்ளிக் கல்வித் துறையின் கல்விசாரா மன்றச் செயல்பாடுகளின் கீழ், அரசு மற்றும் அரசு உதவிபெறும் நடுநிலை, உயர்நிலை மற்றும் மேல்நிலைப் பள்ளிகளில் பயிலும் 6 முதல் 9-ஆம் வகுப்பு வரையிலான மாணவர்களுக்கு மாதந்தோறும் சிறந்த சிறார் திரைப்படங்கள் திரையிடப்பட்டு வருகின்றன.

அந்த வகையில் ஜூன் மாதத்திற்கான சிறார் திரைப்படமாக "The Little Princess" (தி லிட்டில் பிரின்ஸஸ்) என்ற திரைப்படம் தேர்வு செய்யப்பட்டுள்ளது. இத்திரைப்படத்தினைப் பள்ளிகளில் திரையிடுவதற்கான வழிகாட்டு நெறிமுறைகள் மற்றும் செயல்முறைகள் கீழே விரிவாகத் தொகுத்து வழங்கப்பட்டுள்ளன.

திரைப்பட விபரம்:

• திரைப்படத்தின் பெயர்: The Little Princess (தி லிட்டில் பிரின்ஸஸ்)
• இயக்குநர்: திரு. வால்டர் லாங் (Mr. Walter Lang)
• வெளியான ஆண்டு: 1939
• பங்கேற்கும் மாணவர்கள்: 6 முதல் 9-ஆம் வகுப்பு வரை

திரைப்படத்தைப் பதிவிறக்கம் செய்யும் வழிமுறை:

பள்ளியின் தலைமை ஆசிரியர் தங்களின் EMIS பயனர் கணக்கு வாயிலாகப் பதிவிறக்கம் செய்துகொள்ளலாம்:

EMIS → HM Login → Home → Clubs → Children Film Screening

திரைப்படத்தின் கதைக்கரு & சுருக்கம்:

பிரிட்டிஷ் ஆட்சிக் காலத்தைப் பின்னணியாகக் கொண்ட கதை. சாரா குரூவ் என்ற சிறுமி தனது தந்தை கேப்டன் ரெஜினால்ட் குரூவுடன் இந்தியாவில் வாழ்ந்து வருகிறாள். அவரது தந்தை பிரிட்டிஷ் இராணுவ அதிகாரியாகப் பணியாற்றுகிறார். அன்பும் செல்வச் செழிப்பும் நிறைந்த சூழலில் வளர்ந்த சாரா, புத்திகூர்மை, கற்பனைத் திறன் மற்றும் கருணை போன்ற நற்குணங்களைக் கொண்டவள்.

சாராவின் தந்தை இரண்டாம் ஆங்கிலோ-போயர் போரில் பங்கேற்க தென்னாப்பிரிக்கா செல்கிறார். இதனால் சாரா இங்கிலாந்தில் உள்ள மிஸ் மின்சின் நடத்தும் விடுதிப் பள்ளியில் சேர்க்கப்படுகிறாள். போரின் போது சாராவின் தந்தை இறந்துவிட்டார் என்றும், அவருக்குச் சொத்துக்கள் ஏதும் இல்லை என்றும் செய்தி வருகிறது. அதுவரை பள்ளியில் அனைவராலும் இளவரசி போல் மதிக்கப்பட்ட சாராவை, பள்ளி நிர்வாகம் பணிப்பெண்ணாக நடத்துகிறது.

அவமானங்கள் மற்றும் தனிமை ஆகியவற்றை எதிர்கொண்டாலும், சாரா தனது அன்பு, மனிதநேயம், நம்பிக்கை மற்றும் மன உறுதியை இழக்காமல் வாழ்கிறாள். தனது தந்தை உயிருடன் இருப்பதாகவே நம்புகிறாள். அவளது அசைக்க முடியாத நம்பிக்கையும் நல்லெண்ணமும் எவ்வாறு சூழ்நிலைகளையும் அனைவரின் மனதையும் மாற்றுகிறது என்பதே இத்திரைப்படத்தின் கதையாகும்.

திரையிடுவதற்கான வழிகாட்டு நெறிமுறைகள்:

1. திரையிடுவதற்கு முன்:

• படத்தின் போஸ்டரை திரையிடுவதற்கு இரண்டு நாட்களுக்கு முன்பே பள்ளித் தகவல் பலகையில் காட்சிப்படுத்த வேண்டும்.
• பள்ளி மேலாண்மைக் குழுவின் (SMC) முன்னாள் மாணவர் உறுப்பினர் ஒருவரை ஒருங்கிணைப்புப் பணிகளுக்கு இணைத்துக் கொள்ளலாம்.
• பொறுப்பு ஆசிரியர் திரையிடுவதற்கு முன்பாகவே படத்தைப் பார்த்து அதன் கருப்பொருள் மற்றும் முக்கியத்துவத்தை உணர்ந்து தயாராக இருக்க வேண்டும்.
• காற்றோட்டம், ஒலி/ஒளி அமைப்புகள் மற்றும் குடிநீர், கழிப்பறை வசதிகளைச் சரிபார்த்துக் கொள்ள வேண்டும்.

2. திரையிடலின் போது:

• திரையிடுவதற்கு முன் கதையைக் கூறாமல், படத்தின் பின்புலத்தை மட்டும் சுருக்கமாக மாணவர்களிடம் அறிமுகப்படுத்த வேண்டும்.
• பிறமொழித் திரைப்படம் என்பதால், தேவைப்படும் இடங்களில் ஆசிரியர்கள் சுருக்கமான நேரடி மொழிபெயர்ப்பை வழங்கலாம்.
• படம் முடியும் வரை விளக்குகளை அணைத்து, மாணவர்கள் முழுமையாகக் கவனித்துப் பார்க்க ஊக்குவிக்க வேண்டும்.

3. திரையிட்ட பின் (கலந்துரையாடல் & செயல்பாடுகள்):

• கலந்துரையாடல்: போருக்கான காரணங்கள், போரின் விளைவுகள் குறித்தும், போரில்லாத உலகை எவ்வாறு உருவாக்கலாம் என்பது குறித்தும் வகுப்பறையில் விவாதித்தல்.
• ஓவியம் வரைதல்: "போரில்லா உலகு" குறித்த வண்ண ஓவியங்களை மாணவர்கள் வரைதல்.
• அனுபவப் பகிர்வு: தங்கள் வாழ்வில் சந்தித்த நெருக்கடியான சூழல் மற்றும் அதிலிருந்து மீண்ட நிகழ்வுகளை வகுப்பில் பகிர்தல்.

மாணவர் படைப்புகளை அனுப்புதல்:

• திரையிடல் மற்றும் கலந்துரையாடல் நிகழ்வுப் புகைப்படங்கள்/குறிப்புகளை alumni@tnschools.gov.in என்ற மின்னஞ்சலுக்கு அனுப்பலாம்.
• மாணவர்களின் சிறந்த ஓவியங்களை தேன்சிட்டு இதழுக்கு thenchittu@tnschools.gov.in என்ற மின்னஞ்சல் வாயிலாகவோ அல்லது மாநில திட்ட அலுவலக முகவரிக்கோ அனுப்பி வைக்கலாம்.

அதிகாரப்பூர்வ சுற்றறிக்கை பார்வை (Official Circular Preview):

---

📥 Click Here to Download June Month Movie Screening PDF

2026 ஜூலை மாதத்திற்கான சிறார் திரைப்படம் "Where is the Friend's House?" திரையிடுதல் தொடர்பாக பள்ளிக் கல்வி இயக்குநரின் வழிகாட்டு நெறிமுறைகள் வெளியீடு!!!

பள்ளிக் கல்வித்துறை – ஜூலை மாத சிறார் திரைப்படம் திரையிடல் வழிகாட்டு நெறிமுறைகள் & பதிவிறக்கம்
(Where is the Friend's Home? - Movie Screening Circular & Details)

முன்னுரை:

தமிழ்நாடு பள்ளிக் கல்வித் துறையின் கல்விசாரா மன்றச் செயல்பாடுகளின் கீழ், அரசு மற்றும் அரசு உதவிபெறும் நடுநிலை, உயர்நிலை மற்றும் மேல்நிலைப் பள்ளிகளில் பயிலும் 6 முதல் 9-ஆம் வகுப்பு வரையிலான மாணவர்களுக்கு மாதந்தோறும் சிறந்த சிறார் திரைப்படங்கள் திரையிடப்பட்டு வருகின்றன.

அந்த வகையில் ஜூலை மாதத்திற்கான சிறார் திரைப்படமாக "Where is the Friend's Home?" என்ற திரைப்படம் தேர்வு செய்யப்பட்டுள்ளது. இத்திரைப்படத்தினை பள்ளிகளில் திரையிடுவதற்கான வழிகாட்டு நெறிமுறைகள் மற்றும் செயல்முறைகள் கீழே விரிவாகத் தொகுத்து வழங்கப்பட்டுள்ளன.

திரைப்பட விபரம்:

• திரைப்படத்தின் பெயர்: Where is the Friend's Home? (எங்கே என் நண்பனின் வீடு?)
• இயக்குநர்: அப்பாஸ் கியரோஸ்தமி (Abbas Kiarostami)
• வெளியான ஆண்டு: 1987
• நாடு / மொழி: ஈரான் (Persian)
• பங்கேற்கும் மாணவர்கள்: 6 முதல் 9-ஆம் வகுப்பு வரை

திரைப்படத்தைப் பதிவிறக்கம் செய்யும் வழிமுறை:

பள்ளியின் தலைமை ஆசிரியர் தங்களின் EMIS பயனர் கணக்கு வாயிலாகப் பதிவிறக்கம் செய்துகொள்ளலாம்:

EMIS → HM Login → Home → Clubs → Children Film Screening

திரைப்படத்தின் கதைக்கரு & சுருக்கம்:

ஈரான் நாட்டின் கோக்கர் கிராமத்தைச் சேர்ந்த பள்ளி மாணவன் அகமத். ஒரு நாள் மாலையில் தவறுதலாகத் தனது வகுப்புத் தோழன் முகமது ரெசாவின் வீட்டுப்பாடக் குறிப்பேட்டை (Notebook) எடுத்து வந்துவிடுகிறான்.

ஏற்கனவே வீட்டுப்பாடம் செய்யாத காரணத்தினால் ஆசிரியர் முகமது ரெசாவைக் கடுமையாக எச்சரித்திருந்ததும், மீண்டும் செய்யாவிட்டால் பள்ளியை விட்டு நீக்கப்படுவான் என்பதும் அகமத்திற்கு நினைவுக்கு வருகிறது. தன் நண்பன் தண்டனைக்கு ஆளாகக் கூடாது என்ற உயர்ந்த நோக்கில், பக்கத்து கிராமத்தில் வசிக்கும் முகமது ரெசாவின் முகவரி தெரியாதபோதும், பல தடைகளையும் சவால்களையும் கடந்து அவனது வீட்டைத் தேடிப் புறப்படுகிறான். நட்பு மற்றும் பொறுப்புணர்வை உணர்த்தும் மிகச் சிறந்த படைப்பாக இப்படம் அமைந்துள்ளது.

திரையிடுவதற்கான வழிகாட்டு நெறிமுறைகள்:

1. திரையிடுவதற்கு முன்:

• படத்தின் போஸ்டரை திரையிடுவதற்கு இரண்டு நாட்களுக்கு முன்பே பள்ளித் தகவல் பலகையில் காட்சிப்படுத்த வேண்டும்.
• பள்ளி மேலாண்மைக் குழுவின் (SMC) முன்னாள் மாணவர் உறுப்பினர் ஒருவரை ஒருங்கிணைப்புப் பணிகளுக்கு இணைத்துக் கொள்ளலாம்.
• பொறுப்பு ஆசிரியர் திரையிடுவதற்கு முன்பாகவே படத்தைப் பார்த்து அதன் கருப்பொருள் மற்றும் முக்கியத்துவத்தை அறிந்து வைத்திருக்க வேண்டும்.
• காற்றோட்டம், போதுமான இடவசதி, ஒலி/ஒளி அமைப்புகள் மற்றும் குடிநீர் வசதிகளைச் சரிபார்த்துக் கொள்ள வேண்டும்.

2. திரையிடலின் போது:

• திரையிடுவதற்கு முன் கதை அல்லது முடிவைக் கூறாமல், படத்தின் பின்புலத்தை மட்டும் சுருக்கமாக அறிமுகம் செய்ய வேண்டும்.
• பிறமொழித் திரைப்படம் என்பதால், தேவைப்படும் இடங்களில் ஆசிரியர்கள் சுருக்கமான நேரடி மொழிபெயர்ப்பை வழங்கலாம்.
• படம் முடியும் வரை முழு கவனத்துடன் பார்க்க மாணவர்களை ஊக்குவிக்க வேண்டும்.

3. திரையிட்ட பின் (கலந்துரையாடல் & செயல்பாடுகள்):

• கருத்துப் பகிர்வு: நண்பனின் நோட்டுப் புத்தகத்தைத் திருப்பித் தர அகமத் எடுத்த முயற்சிகள் குறித்துக் குழுவாக விவாதித்தல்.
• அனுபவப் பகிர்வு: நண்பர்களுக்கு உதவ தாங்கள் எதிர்கொண்ட சவால்களை மாணவர்கள் பகிர்தல்.
• படைப்பாற்றல்: தாங்கள் வசிக்கும் பகுதியின் நில வரைபடம் வரைதல் அல்லது "Where is the Friend's Home?" படத்திற்கான போஸ்டர் வரைதல்.

மாணவர் படைப்புகளை அனுப்புதல்:

• திரையிடல் மற்றும் கலந்துரையாடல் நிகழ்வுப் புகைப்படங்கள்/குறிப்புகளை alumni@tnschools.gov.in என்ற மின்னஞ்சலுக்கு அனுப்பலாம்.
• சிறந்த ஓவியங்கள் மற்றும் படைப்புகளை தேன்சிட்டு இதழுக்கு thenchittu@tnschools.gov.in மின்னஞ்சல் வழியாகவோ அல்லது மாநிலத் திட்ட அலுவலக முகவரிக்கோ அனுப்பி வைக்கலாம்.

அதிகாரப்பூர்வ சுற்றறிக்கை பார்வை (Official Circular Preview):

---

📥 Click Here to Download July Month Movie Screening PDF

OCTOBER MONTH MOVIE SCREENING - KURNAGU PEDAL- அக்டோபர் மாத சிறார் திரைப்படம் -குரங்கு பெடல்- திரையிடல் சார்ந்து பள்ளிக்கல்வி இயக்குநரின் செயல்முறைகள்,MOVIE LINK,POSTER,STORY SUMMARY,ALL IN ONE LINK...

 

 

MOVIE POSTER:

திரைப்படத்தின் கதைக்கரு:

KURANGU PEDAL MOVIE DOWNLOAD LINK:👉👉CLICK HERE 

சிறார் திரைப்பட மன்ற போட்டிகள்-2025

சிறார் திரைப்பட மன்ற போட்டிகள்-2025

2025-ஜுலை மாத சிறார் திரைப்படம்(TOP TEN MOVIES 2024-2025) திரையிடுதல் சார்ந்து வழிகாட்டு நெறிமுறைகள்,MOVIE LINK,MOVIE POSTER,கதைச் சுருக்கம்...ALL IN ONE

2025-ஜுலை மாத சிறார் திரைப்படம் திரையிடுதல் சார்ந்து வழிகாட்டு நெறிமுறைகள் வழங்கி பள்ளிக் கல்வி இயக்குநர் உத்தரவு!!!

<;

சிறார் திரைப்பட மன்றம் நோக்கங்கள் (Movie Screening Club).

• திரைப்படங்களை விமர்சன ரீதியாக பகுப்பாய்வு செய்தல், திரைப்பட நுட்பங்களைப் புரிந்துகொள்ளுதல், ஊடக கல்வியறிவு மற்றும் விமர்சன சிந்தனையை வளர்த்தல்.
• திரைப்பட விமர்சனங்கள், திரைக்கதை எழுதுதல், நடிப்பு அல்லது திரைப்படத் தயாரிப்பு மூலம் மாணவர்கள் தங்கள் எண்ணங்கள் மற்றும் முன்னோக்குகளை ஆக்கப்பூர்வமாக வெளிப்படுத்துதல்.
• கேமராக்கள், எடிட்டிங் மென்பொருள், லைட்டிங் மற்றும் ஒலி போன்ற திரைப்படத்தயாரிப்பு தொடர்பான தொழில்நுட்ப திறன்களை வளர்ப்பதற்கான வாய்ப்பை ஏற்படுத்துதல்.
• சினிமா துறையில் கதை எழுதுதல், திரைக்கதை, இயக்கம், எடிட்டிங், இசை போன்ற பல்வேறு பணிகளில் ஈடுபடும் நபர்களுடன் கலந்துரையாடுவதற்கான வாய்ப்புகளை ஏற்படுத்துதல்.
• திரைப்படக் கலையில் ஆர்வமுள்ள மாணவர்கள் அடையாளம் காணப்பட்டு திரைப்படம் தயாரிக்கும் அம்சங்களின் அடிப்படையில் போட்டிகளில் பங்கேற்க செய்தல்.

முக்கிய குறிப்பு : சிறார் திரைப்பட மன்றம் சார்ந்த செயல்பாடுகள் அனைத்தும், பிற மன்றச் செயல்பாடுகளைப் போல மகிழ் முற்றம் மாணவர் குழுக்கள் மூலம் செயல்படுத்தப்படுதல் வேண்டும்.இவ்வாறு மாணவர் குழுக்களாக செயல்பாடுகளில் ஈடுபடும்போது,மாணவர்களிடையே ஆரோக்கியமான போட்டி சூழல் உருவாக்கப்பட்டு, அனைத்து மாணவர்களும் அவரவர் குழு வெற்றி பெற தங்களை ஈடுபடுத்திக்கொள்ள வாய்ப்பு உருவாகும்.

சிறார் திரைப்படம் திரையிடுதல்:

அனைத்து அரசு நடுநிலை. மேல்நிலை மற்றும் உயர்நிலைப் பள்ளிகளில்

ஒவ்வொரு மாதமும். சிறார் திரைப்படம் திரையிடுவதற்கான நடவடிக்கைகள் மேற்கொள்ளப்படுதல் வேண்டும். ஒவ்வொரு மாதமும் திரையிடப்படவுள்ள திரைப்படம் EMIS தளத்தில் பள்ளிகளுக்கு அனுப்பி வைக்கப்படும். ஒவ்வொரு முறையும் சிறார் திரைப்படத்தினை திரையிடுவதற்கு முன்பாகவே இணைப்பு-1ல் வழங்கப்பட்டுள்ள

அனைத்து நெறிமுறைகளையும் தலைமையாசிரியர் மற்றும் சிறார் திரைப்பட மன்றப் பொறுப்பாசிரியர் உறுதி செய்தல் வேண்டும். இவ்வாறாக ஒவ்வொரு மாதமும் அவரவர் பள்ளியில் 6-முதல் 9-ஆம் வகுப்பு வரை உள்ள அனைத்து வகுப்பு மற்றும் பிரிவுகளுக்கும் (all classes and sections of grades 6 to 9) சிறார் திரைப்படமானது திரையிடப்படுவதை உறுதி செய்வது சிறார் திரைப்பட மன்றப் பொறுப்பாசிரியரின் பொறுப்பாகும்.

ஒவ்வொரு முறையும் சிறார் திரைப்படம் திரையிட்ட பின்னர், மாணவர்களை

மகிழ்முற்றம் மாணவர் குழுக்களாக (House System 5 Groups) பிரித்து, அவர்கள் பார்த்த திரைப்படம் குறித்து கலந்துரையாடல் மேற்கொள்ளப்படுதல் வேண்டும்.ஒவ்வொரு முறையும் சிறார் திரைப்படம் திரையிடப்பட்ட பிறகு பின்வரும் செயல்பாட்டினை மேற்கொள்ளுதல் வேண்டும்.

• ஒவ்வொரு குழுவும் திரைப்படத்தின் மூலக்கரு / மையக்கருத்து குறித்தும்.அக்கருத்தின் முக்கியத்துவத்தையும் எடுத்துரைத்தல் வேண்டும்.
• ஒவ்வொரு குழுவும் திரையிடப்பட்ட படத்திற்கு இசைக்கு எவ்வாறு முக்கியத்துவம் அளிக்கப்பட்டுள்ளது என்பதை எடுத்துரைத்தல் வேண்டும்.
• பின்னர்,இணைப்பு-3ல் குறிப்பிடப்பட்டுள்ள செயல்பாடுகளில் பொறுப்பாசிரியர் ஏதேனும் ஒரு செயல்பாட்டினை தேர்ந்தெடுத்து மாணவர்களை மகிழ்முற்றம் மாணவர் குழுக்களாக பிரித்து அவர்களை அச்செயல்பாட்டினை மேற்கொள்ள செய்தல் வேண்டும்.
• பின்னர், ஒவ்வொரு குழுவும் அவர்களின் படைப்புகளை வகுப்பறையில்காட்சிப்படுத்தி எடுத்துரைத்தல் வேண்டும். இவ்வாறாக ஒவ்வொரு குழுவும் தங்களின் படைப்புகளை வெளிப்படுத்திய பின்னர். குழுக்களுக்கு ஆசிரியரால் மதிப்பெண்கள் வழங்கப்படுதல் வேண்டும். அவ்வாறாக வழங்கப்படும் மதிப்பெண்கள் Class Room Scoreboard - ல் சார்ந்த House Class Leader மூலம் பதிவிடப்படுதல் வேண்டும்.
• பள்ளி மாணவர்களின் படைப்புகளை வகுப்பறை மற்றும் பள்ளி வளாகத்தில் காட்சிப்படுத்துவதுடன், காலை வணக்கக் கூட்டத்தில் வெற்றிப் பெற்ற மாணவர் குழுவின் படைப்புகளை எடுத்துரைக்க செய்தல் வேண்டும்.
• மேலும், பள்ளியளவிலான சிறந்த படைப்புகளை பள்ளிக் கல்வித் துறையால் வெளியிடப்படும் சிறார் இதழில் (தேன்சிட்டு) இடம் பெற்றிட சிறார் திரைப்பட மன்ற பொறுப்பாசிரியர் மற்றும் தலைமையாசிரியர் உரிய நடவடிக்கையினை மேற்கொள்ள வேண்டும்.

2025-26 ஆம் கல்வியாண்டின் முதல் சிறார் திரைப்படம்:

கடந்த கல்வியாண்டில் மாநில அளவிலான சிறார் திரைப்பட போட்டியில் பங்கேற்ற மாணவர்கள் தயார் செய்த குறும்படங்கள் "TOP-10(2024-25)" என்ற தலைப்பில் தொகுக்கப்பட்டு. 2025-26 ஆம் கல்வியாண்டின் முதல் சிறார் திரைப்படமாக ஜூலை மாதம் திரையிட திட்டமிடப்பட்டுளள்ளது. இவ்வாறு மாணவர்களின் படைப்புகளை திரையிடும்போது, அவர்களின் படைப்புகள் அங்கீகரிக்கப்படுவதுடன், அனைத்து மாணவர்களும் இச்செயல்பாட்டில் பங்குபெற ஊக்குவிக்கப்படுவர்.

MOVIE POSTER:

இணைப்பு-3

         சிறார் திரைப்படம் திரையிடப்பட்ட பின்னர் பொறுப்பாசிரியர் பின்வரும் செயல்பாடுகளில் ஏதேனும் ஒரு செயல்பாட்டினை தேர்ந்தெடுத்து மாணவர்களை மகிழ்முற்றம் மாணவர் குழுக்களாக பிரித்து அச்செயல்பாட்டினை மேற்கொள்ளச் செய்தல் வேண்டும்.

• திரைப்படத்தில் தங்களுக்கு மிகவும் பிடித்த கதாபாத்திரம் யார்       என்பதையும் அதற்கான காரணத்தையும் எடுத்துரைத்தல்.
• திரையிடப்பட்ட திரைப்படத்தின் முடிவினை வேறொரு முடிவாக தங்களின் கற்பனைக்கு ஏற்றவாறு மாற்றியமைத்து எடுத்துரைத்தல்.
• திரையிடப்பட்ட திரைப்படத்தின் ஏதேனும் ஒரு பகுதியை (Scene) தேர்ந்தெடுத்து நடித்துக்காட்டுதல்.
• திரையிடப்பட்ட திரைப்படத்தினை பற்றி விமர்சனம் எழுதுதல்.
• திரையிடப்பட்ட திரைப்படத்தின் மையக்கருத்தினைக் கொண்டு தங்களின் கற்பனைக்கு ஏற்றவாறு வேறொரு கதையை எழுதி எடுத்துரைத்தல்.
• திரையிடப்பட்ட திரைப்படத்தின் ஏதேனும் ஒரு பகுதியை (Scene) தேர்ந்தெடுத்து அதற்கான வசனத்தை தங்களின் சொந்த நடையில் எழுதி நடித்தல்.
• திரையிடப்பட்ட திரைப்படத்தில் சிறந்த ஐந்து பகுதிகளை (Scenes) பற்றி எடுத்துரைத்தல்.
• திரையிடப்பட்ட திரைப்படத்திற்கான விளம்பர திரைப்பட சுவரொட்டியை (Promotional Poster) உருவாக்குதல்.

கதை சுருக்கம்-டாப் 10

இயக்கம்: 6-9 வகுப்பு அரசுப் பள்ளி மாணவர்கள்
வெளியான ஆண்டு: 2024-25
மொழி: தமிழ்
திரைப்படத்தின் காலம்: 45 நிமிடங்கள்

கதை: 

          உங்கள் கண்களுக்கு காட்சியாக போகும் இந்த திரைப்படங்கள் ஒரே இடத்தில் அவர்களின் பன்முகத்தன்மையை இனம் கண்டு உருவாக்குவதற்காக ஒரு திரைப்படத்தை எப்படி பார்க்க வேண்டும்.
எப்படி புரிந்து கொள்ள வேண்டும், ஒரு திரைப்படத்தின் திரைக்கதை என்பது என்ன? படத்தொகுப்பு என்பது என்ன? இயக்கம் என்பது என்ன? நடிப்பு என்பது என்ன? காட்சி அமைப்பு என்பது என்ன? என்பதெல்லாம் பல்வேறு ஆளுமைகளால் மூன்று நாள் பயிற்சி வகுப்பாக சொல்லித் தரப்பட்டு, அதன் பின் சிறார்கள்  தன்னுடைய  பார்வையில்  கதைகள் உருவாக்கி எடுக்கப்பட்டவை ஆகும்.அந்தக் கதைகளை சின்னஞ்சிறு கற்பனை கூட்டுக்குள் நட்பு என்றால் என்ன? நூலகம் என்ன செய்யும்- புத்தகம் எல்லாவற்றையும் விட உயரமானது, ஊனம் ஒரு தடை அல்ல, இயற்கையை நேசிப்போம். படித்தால் தான் உயர முடியும், ஒவ்வொருவரின் உழைப்பும் அங்கீகரிக்கப்பட வேண்டும்; என்று பறந்து விரிந்த பார்வையில் பண்பாட்டின் கலாச்சார கூறுகளை புரிந்து கொண்டவர்களாக மழலைகள் ஒரே நாளில் யோசித்து இயக்கி படத்தொகுப்பு செய்து இனிமையான இசை கோர்ப்போடு தந்தவைதான் இந்த படைப்புகள்.
                   இவை அனைத்தும் திரைத்துறையைச் சேர்ந்த இயக்குனர்கள் சிறந்த படதொகுப்பாளர் இவர்கள் முன்னால் திரையிடப்பட்டு, சிறந்த நடிகர், சிறந்தபடத்தொகுப்பாளர், சிறந்த இயக்குனர், சிறந்த இசை கோர்ப்பு என்று பல்வேறு விதமான விருதுகள் வழங்கப்பட்டு மழலைகளின் எண்ணம் திரை வானில் மின்னும் நட்சத்திரங்களாக நாளை உலா வர அவர்களுக்கு இந்தத் திரை மொழி பகிரப்பட்டு இன்றைக்கு உணர்வும் அறிவும் கலந்த உன்னதமாக உங்கள் பார்வைக்கு வருகிறது.

MOVIE DOWNLOAD LINK:👉 TOP TEN MOVIES(2024-2025)

திரைப்பட மன்றப் பதிவேடு: 👇👇👇

2025 - ஜனவரி மாத சிறார் திரைப்படம், கதைச் சுருக்கம்,DOWNLOAD LINK,POSTER PICTURE!!! ALL IN ONE LINK..

 

Children's Movie" மரங்களின் கனவு " A DREAM OF TREES- ஜனவரி 2025

A Dream of Trees (மரங்களின் கனவு)

திரைப்படத்தின் கால அளவு: 33 Mins

மொழி: English (தமிழில் மொழி பெயர்க்கப்பட்டது)                                                                                                        

மேற்குதொடர்ச்சியின், ஆனைமலை பகுதியில் உள்ள வெப்ப மண்டல காடுகளில் குறைந்து போன மழை வளத்தை மறுசீரமைப்பு செய்வதற்கான சூழலியல் குறித்து இந்தத் திரைப்படம் பேசுகிறது. வெப்பமண்டல காடுகளில் சிக்கலான சூழலியல் இருந்தாலும், அதில் கணக்கில் அடங்கா தாவரங்களும் விலங்குகளும் ஒன்றுக்கொன்று தொடர்புடையதாக உள்ளது. இந்தப் படம் இயற்கை பாதுகாப்பு அமைப்பைச் சார்ந்த திவ்யா முடப்பா மற்றும் டி•ஆர்•சங்கர்ராமன் ஆகியோரின் பணி குறித்து பேசுகிறது. அவர்கள் இருவரும் தங்களின் குழுவினரோடு 2001-இல் இருந்து ஆனைமலை பகுதிகளில்  பணியாற்றி வருகின்றனர். மழை வளம் குறைந்த இந்தக் காடுகளை மறு சீரமைப்பு செய்ய தேநீர் மற்றும் காப்பி பயிரிடும் நிறுவனங்களோடு இணைந்து செயல்படுகின்றனர்.

 இந்தப் படம் அசாதாரணமான மழைக்காடுகளில் மழை வளத்தை பெருக்குவதற்காகவும் , அவற்றை பாதுகாப்பதற்காகவும் தேவைப்படும் மதிப்பு மிக்க விஷயங்களை பேசுகிறது.  மேலும், வனவிலங்குகளும் தாவரங்களும் நிறைந்துள்ள இப்பகுதிகளில் உள்ள கார்பன்களை வெளியில் எடுத்து காலநிலை மாற்றத்தால் வரும் நெருக்கடிகளை பேசுகிறது.  இப்படம்  சூழலியளில் ஏற்படும் சவால்கள், வரையறைகள், நம்பிக்கைகள் ஆகியவற்றைப் பற்றி  பயிற்றுவிக்கிறது.  ‘மரங்களின் கனவு’ என்பது மறு சீரமைப்பிற்கான உத்வேக கதைகளை தருவது ஆகும். இது பறந்து விரிந்த நிலப்பரப்புகளோடு  தாவரங்கள், விலங்குகள் மற்றும் மக்களோடு  இணைப்பை ஏற்படுத்துகிறது.

MOVIE LINK TO DOWNLOAD: ⮞⮞⮞⮞ A DREAM OF TREES 

 

2024 - டிசம்பர் மாதம் சிறார் திரைப்படம் திரையிடுதல் தொடர்பாக DSE செயல்முறைகள்,கதைச் சுருக்கம்,DOWNLOAD LINK,POSTER PICTURE,!!!

2024 - டிசம்பர் மாதம் சிறார் திரைப்படம் திரையிடுதல் தொடர்பாக DSE செயல்முறைகள்,  கதைச் சுருக்கம்,DOWNLOAD LINK,POSTER PICTURE!!! ALL IN ONE LINK..

2022-23 மற்றும் 2023-24 ஆம் ஆம் கல்வியாண்டில், அனைத்து அரசு நடுநிலை, உயர்நிலை மற்றும் மேல்நிலை பள்ளிகளில் 6-9 வகுப்பு வரை பயின்று வரும் மாணவர்கள் கண்டுணறும் வகையில்,ஒவ்வொரு மாதத்தின் இரண்டாவது வாரத்தில் சிறார் திரைப்படங்கள் திரையிடப்பட்டன.

மாணவர்கள் தாங்கள் வாழும் சூழலை புரிந்து கொள்ளுதல், பல்வேறு கலாச்சாரங்களின் தனித்தன்மையை அறிந்து கொள்ளுதல், தன்னம்பிக்கை, நட்பு பாராட்டுதல், குழுவாக இணைந்து செயல்படுதல், பாலின சமத்துவம் உணர்தல் ஆகிய பண்புநலன்களை அடையாளம் காணுதல், தங்களிடம் உள்ளார்ந்து புதைந்திருக்கும் படைப்பாற்றலை வெளிக்கொணர செய்தல் ஆகியன இச்சிறார் திரைப்படம் திரையிடுதலின் நோக்கமாக அமைகிறது.

ஒரு திரைப்படத்தை வெறுமனே நகரும் பிரேம்களாக பார்ப்பதை விட, உலக சினிமா பற்றி குழந்தைகளுக்கு ஒரு பரந்த கருத்தை வழங்குவது. பள்ளிகளில் மாணவர்களின் கல்வியை வேறுபட்ட முறையில் அணுகுதல், கலை, கலாசாரம் மற்றும் திரைப்படங்களை ஒருங்கிணைத்து பிள்ளைகளின் கற்பனைத்திறன், படைப்பாற்றலை வளர்த்தல், மேலும், இத்திரைபடங்களை கண்ணுறும் மாணவர்களின் விரிசிந்தனை மேம்படுதல் மற்றும் விமர்சிக்கும் திறன் உள்ளிட்ட பண்புகள் பெற இந்நிகழ்வு தூண்டுகோலாக அமைகிறது.

💥💥திரைப்பட விவரம்

ஒவ்வொரு மாதமும், இரண்டாவது வாராத்தில் சிறார் திரைப்படம் திரையிட நடவடிக்கைகள் மேற்கொள்ள வேண்டும். ஒவ்வொரு மாதமும் திரையிடப்படவுள்ள திரைப்படம் முன்கூட்டியே

மாதத்தின் முதல் வாராத்தில் EMIS வழியே தலைமையாசிரியருக்கு அனுப்பி வைக்கப்படும்.இந்த ஆண்டின் இரண்டாம் சிறார் திரைப்படமாக "பெனோ" என்கின்ற திரைப்படம் உலக மாற்றுத்திறனாளிகள் தினத்தையொட்டி டிசம்பர் 2024 ஆம் மாதத்தில் திரையிடத் திட்டமிடப்பட்டுள்ளது. இத்திரைப்படம் பள்ளிகளில் திரையிடுதல் சார்ந்து பள்ளி தலைமையாசிரியர்கள் பின்பற்ற வேண்டிய வழிகாட்டும் நெறிமுறைகள் பின்வருமாறு வழங்கப்படுகிறது.

💥💥DSE செயல்முறைகள்👇👇👇

 

கதை சுருக்கம்:

(இந்த மாதத்திற்கான சிறார் திரைப்படம் ஆறு திரைபடங்களின் தொகுப்பு)

1.பெனோ

                                   பிறக்கும் போது சந்தோஷமாக பிறந்தார். அவரது பெற்றோருக்கு அவளது கண்களில் ஒளியில்லை என உணர்ந்த பிறகு துயரத்தில் விழுந்தது குடும்பம்,இருந்தாலும் மருத்துவம் கை விரித்தாலும், அவளின் அறிவு பள்ளிப்படிப்பு தொடங்கி கல்லூரி படிப்பு வரை எதிலும் முதலாய் முன்னேற வைத்தது. மகளின் அறிவு பெற்றோரை மகிழ்ச்சி கடலில் நீந்த வைத்தது.அவளது கல்லூரி அவளின் கனவுகளுக்கு விதையாய் இருந்தது, ஒளியில்லாத விழி அதற்கு வழி தந்த பிரையில் வழி கல்வி, பெனோவின் கனவு அரசின் குடிமை தேர்வில் வெற்றி பெற வேண்டும் என்பதே,அது அவளுக்கு சாத்தியமா என்பது கேள்விக்குறி, காரணம் தேர்வுக்கான புத்தகம் விழி இழந்தோர் படிக்கின்ற பிரையில் வழியில் இல்லை. சர்வதேச நாடுகளில் பங்குபெற்ற ஒரு நிகழ்வில் வசந்தம் போல் முதன்மையானவள் முதல் குடிமை தேர்வில் 20 மதிப்பெண்களில்
தோற்றவள் அடுத்த குடிமை தேர்வில் 1122 பேர் எழுதினார்கள் அதில் பெனோ 343 வது நபராக வந்து இந்திய ஆட்சி பணிக்கு பெருமை சேர்க்க நின்றாள் அதையும் தன் தொழில் நுட்ப அறிவால் வென்று காட்டினாள். இப்பொழுது இந்திய அரசின் வெளி உறவு துறை அதிகாரி.பெற்றோர்கள் ஆனந்தத்தில்.'ஊனம் தடையில்லை
ஊன்றுகோலாய் அறிவுத் துணை இருந்தால்' என்பது தான் பெனோ நமக்கு சொல்லும் பாடம்.

2. பஸ்

         சிறப்பு குழந்தைகளின் சிலர் கற்பனை செய்து கொண்டு பயணிக்கின்ற காட்சி தான்.ஆனால் ஒரு ஸ்பீட் பிரேக் வந்த போது அவர்களின் கூர்மை அதுவே அவர்களின் ஆளுமை.

3.ட்ரீம் ஹோம்

                           ஒரு கனவு வீடு ஒரு குழந்தையின் பார்வையில் விரிகிறது அந்தக் கனவு வீட்டில் இருக்கும் ஒவ்வொருவருக்கும் இடம் தருபவள் தாத்தாவுக்கு தரும் இடம் சக்கர வண்டியில் இருக்கும் அவர் வீட்டின் உள்ளே செல்ல அமைக்கும் சாய்தளம்.

4.தே ரேஸ்

                ஒரு ஓட்டப்பந்தயக்களம் பத்து என்கிற எண் கொண்ட நபர் ஓடும்போது தன் காலை இழக்கிறார் ஆனால் உடன் இவரை முந்தி ஓடுவோர் காலை இழந்து நொண்டி நொண்டி வரும்

இவனையும் இணைத்துக் கொண்டு ஓடுவது தான் நேயம்.

5.ரீச் அவுட்

சில கார்ட்டூன் பொம்மைகள் வண்ண விளக்கை போடும் முயற்சியில் வெற்றி பெற்று தனக்கான வண்ணங்களை பெறுவது.

6.பீல் தெ மியூசிக்

குஷ், கிரீஸ் இருவரும் இசை பிரியர்கள் குஷ் விழி இருப்பவன், கிரிஷ் விழி இழந்தவன்.குஷ் வாசிக்கும் ஒலி வடிவம் கேட்டு கிரிஷ் வாசிக்கிறான் அந்த இசை கருவி அவனின் விழிக்கு ஒளியாக வருகிறது.

💥💥MOVIE DOWNLOAD LINK: https://ddx6ukbne05nx.cloudfront.net/dashboard

💥💥மாணவர்களின் கவனத்தை ஈர்த்து ஆர்வத்தை தூண்டும் வினாக்கள்

(இந்த மாதத்திற்கான சிறார் திரைப்படம் ஆறு திரைபடங்களின் தொகுப்பாக இருப்பதால் ஆசிரியர் ஏதேனும் திரைப்படங்களை தேர்ந்தெடுத்து கீழக்காணும் வினாக்களை கேட்கவேண்டும்)

 1. கதையின் தொடக்கத்தில், இடையில் மற்றும் முடிவில் என்ன        

     நடக்கிறது?

2. இந்த கதை எந்த இடத்தில் நடக்கிறது?

3. இந்த கதை எங்கு நடக்கிறது என்று எப்படி அறிவது?

4. திரைப்படத்தில் ஒன்றுக்கும் மேற்பட்ட முக்கிய கதாபாத்திரங்கள்      உள்ளனவா?

5. இக்கதை முக்கிய கதாபாத்திரத்தை தழுவி உள்ளதா அல்லது        

     பிறரை சார்ந்து அமைகிறதா?

6. இத்திரைப்டத்தின் முழு கருத்தையும் மூன்று நிமிடங்களில் 

     உங்களால் நடித்துக் காட்ட முடியுமா?

💥💥💥TO DOWNLOAD POSTER CLICK HERE:

2024 நவம்பர் மாதம் சிறார் திரைப்படம் (TOP 10) திரையிடுதல்- Download link,கதைச்சுருக்கம்,தொடர்பாக DSE செயல்முறைகள்!!!November 2024 Movie.

நவம்பர் மாதம் சிறார் திரைப்படம் (TOP 10) திரையிடுதல் தொடர்பாக DSE செயல்முறைகள்!!!

2022-23 மற்றும் 2023-24 ஆம் ஆம் கல்வியாண்டில், அனைத்து அரசு நடுநிலை, உயர்நிலை மற்றும் மேல்நிலை பள்ளிகளில் 6-9 வகுப்பு வரை பயின்று வரும் மாணவர்கள் கண்டுணறும் வகையில் ஒவ்வொரு மாதத்தின் இரண்டாவது வாரத்தில் சிறார் திரைப்படங்கள் திரையிடப்பட்டன. மாணவர்கள் தாங்கள் வாழும் சூழலை புரிந்து கொள்ளுதல், பல்வேறு கலாச்சாரங்களின் தனித்தன்மையை அறிந்து கொள்ளுதல், தன்னம்பிக்கை, நட்பு பாராட்டுதல், குழுவாக இணைந்து செயல்படுதல், பாலின சமத்துவம் உணர்தல் ஆகிய பண்புநலன்களை அடையாளம் காணுதல், தங்களிடம் உள்ளார்ந்து புதைந்திருக்கும் படைப்பாற்றலை வெளிக்கொணர செய்தல் ஆகியன இச்சிறார் திரைப்படம் திரையிடுதலின் முக்கியமான நோக்கமாக அமைகிறது.

திரைப்பட மன்றம் (மூவி கிளப்) நோக்கங்கள்:

• திரைப்படங்களை புரிந்துகொள்ளுதல், பல்வேறு வகைகள் மற்றும் கருப்பொருள்களுக்கு இடையில் வேறுபடுதல்,ஊடக கல்வியறிவு மற்றும் விமர்சன சிந்தனையை வளர்த்தல்,விமர்சன ரீதியாக  திரைப்பட நுட்பங்களைப் பகுப்பாய்வு செய்தல்,யோசனைகள் மற்றும் முன்னோக்குகளை ஆக்கப்பூர்வமாக வெளிப்படுத்த ஒரு தளத்தை வழங்குதல்.

• கேமராக்கள், எடிட்டிங் மென்பொருள், லைட்டிங் மற்றும் ஒலி போன்ற திரைப்படத் தயாரிப்பு தொடர்பான தொழில்நுட்ப திறன்களை வளர்ப்பதற்கான வாய்ப்பை மாணவர்களுக்கு வழங்குதல் மற்றும் இது சார்ந்த தொழில் ஆர்வத்தை ஊக்குவித்தல்.

• சினிமா துறையில் கதை எழுதுதல், திரைக்கதை, இயக்கம், எடிட்டிங், இசை போன்ற பல்வேறு பணிகளில் ஈடுபடும் நபர்களுடன் கலந்துரையாடுவதற்கான வாய்ப்புகளை ஏற்படுத்துதல்.

• திரைப்படக் கலையில் ஆர்வமுள்ள மாணவர்களை அடையாளம் கண்டு, அவர்களுக்கான போட்டிகளில் பங்கேற்க செய்தல்.

• மாணவர்கள் தங்கள் எண்ணங்கள்,திரைப்பட விமர்சனங்கள், திரைக்கதை எழுதுதல், நடிப்பு அல்லது திரைப்படத் தயாரிப்பு மூலம் மற்றும் முன்னோக்குகளை ஆக்கப்பூர்வமாக வெளிப்படுத்த ஒரு தளத்தை வழங்குதல்.

• கேமராக்கள், எடிட்டிங் மென்பொருள், லைட்டிங் மற்றும் ஒலி போன்ற திரைப்படத் தயாரிப்பு தொடர்பான தொழில்நுட்ப திறன்களை வளர்ப்பதற்கான வாய்ப்பை மாணவர்களுக்கு வழங்குதல் மற்றும் இது சார்ந்த தொழில் ஆர்வத்தை ஊக்குவித்தல்.

• சினிமா துறையில் கதை எழுதுதல், திரைக்கதை, இயக்கம், எடிட்டிங், இசை போன்ற பல்வேறு பணிகளில் ஈடுபடும் நபர்களுடன் கலந்துரையாடுவதற்கான வாய்ப்புகளை ஏற்படுத்துதல்.

• திரைப்படக் கலையில் ஆர்வமுள்ள மாணவர்களை அடையாளம் கண்டு, அவர்களுக்கான போட்டிகளில் பங்கேற்க செய்தல்.

ஒவ்வொரு மாதமும், இரண்டாவது வாராத்தில் சிறார் திரைப்படம் திரையிட நடவடிக்கைகள் மேற்கொள்ள வேண்டும். ஒவ்வொரு மாதமும் திரையிடப்படவுள்ள திரைப்படம் முன்கூட்டியே மாதத்தின் முதல் வாராத்தில் EMIS வழியே தலைமையாசிரியருக்கு அனுப்பி வைக்கப்படும்.
இந்த ஆண்டின் முதல் சிறார் திரைப்படமானது கடந்த ஆண்டு நடைபெற்ற போட்டிகளில் மாணவர்கள் தயாரித்த "டாப் 10" என்ற தலைப்பில், குழந்தைகள் தினத்தையொட்டி நவம்பர் - 2024 ஆம் மாதத்தில் திரையிடத் திட்டமிடப்பட்டுள்ளது. மேலும், குழந்தைகளின் மனநலத்தினை செறிவூட்டுவதற்காக 14416 சிறப்பு எண் வசதியினை ஆசிரியர்கள் மற்றம் கழந்தைகளுக்கு விழிப்புணர்வு ஏற்படுத்துவதற்காக விழிப்புணர்வு குறும்படமும் திரையிடப்பட உள்ளது. 

கதை சுருக்கம்-டாப் 10

இயக்கம்: 6-9 வகுப்பு அரசுப் பள்ளி மாணவர்கள்
வெளியான ஆண்டு: ஏப்ரல் 2024
மொழி: தமிழ்
திரைப்படத்தின் காலம்: 45 நிமிடங்கள்
உங்கள் கண்களுக்கு காட்சியாக போகும் இந்த சிறார் திரைப்படங்கள் அனைத்தும் ஒரே இடத்தில் (Anna Cenanary Library) உருவாக்கப்பட்டது ஆகும்.
இந்தத் திரைப்படங்கள் மாணவர்களின் பன்முகத்தன்மையை இனம் கண்டு, ஒரு திரைப்படத்தை எப்படி பார்க்க வேண்டும், எப்படி புரிந்து கொள்ள வேண்டும், ஒரு திரைப்படத்தின் திரைக்கதை என்பது என்ன? படத்தொகுப்பு என்பது என்ன? இயக்கம் என்பது என்ன? நடிப்பு என்பது என்ன? காட்சி அமைப்பு என்பது என்ன? என்பதெல்லாம் பல்வேறு ஆளுமைகளால் மூன்று நாள் பயிற்சி வகுப்பாக சொல்லித் தரப்பட்டு அதன் பின் சிறார்கள் தங்களுடைய பார்வையில் கதைகள் உருவாக்கி எடுக்கப்பட்டவை ஆகும். அந்தக் கதைகளை சின்னஞ்சிறு கற்பனை கூட்டுக்குள் நட்பு என்றால் என்ன? நூலகம் என்ன செய்யும்- புத்தகம் எல்லாவற்றையும் விட உயரமானது, ஊனம்ஒரு தடை அல்ல, இயற்கையை நேசிப்போம், படித்தால் தான் உயர முடியும், ஒவ்வொருவரின் உழைப்பும் அங்கீகரிக்கப்பட வேண்டும்: என்று பறந்து விரிந்த பார்வையில் பண்பாட்டின் கலாச்சார கூறுகளை புரிந்து கொண்டவர்களாக மழலைகள் ஒரே நாளில் யோசித்து இயக்கி படத்தொகுப்பு செய்து இனிமையான இசை கோர்ப்போடு தந்தவைதான் இந்த படைப்புகள்.
இவை அனைத்தும் திரைத்துறையைச் சேர்ந்த இயக்குனர்கள் சிறந்த பட தொகுப்பாளர் இவர்கள் முன்னால் திரையிடப்பட்டு, சிறந்த நடிகர், சிறந்த படத்தொகுப்பாளர், சிறந்த இயக்குனர், சிறந்த இசை கோர்ப்பு என்று பல்வேறு விதமான விருதுகள் வழங்கப்பட்டு மழலைகளின் எண்ணம் திரை வானில் மின்னும் நட்சத்திரங்களாக நாளை உலா வர அவர்களுக்கு இந்தத் திரை மொழி பகிரப்பட்டு இன்றைக்கு உணர்வும் அறிவும் கலந்த உன்னதமாக உங்கள் பார்வைக்கு வருகிறது.

நவம்பர் மாதம் சிறார் திரைப்படம் (TOP 10) movie link

👇👇👇
https://ddx6ukbne05nx.cloudfront.net/dashboard

HARIDAS - JANUARY 2024-CHILDREN MOVIE-கதைச் சுருக்கம்,MOVIE SCREENING PROCEEDINGS,MOVIE POSTER,MOVIE DOWNLOAD LINK ALL IN ONE. ஜனவரி மாத சிறார் திரைப்படம் "ஹரிதாஸ்"(முழு திரைப்படம்)"_*👇👇👇

 HARIDAS - JANUARY 2024-CHILDREN MOVIE-கதைச் சுருக்கம்,MOVIE SCREENING PROCEEDINGS,MOVIE POSTER,MOVIE DOWNLOAD LINK ALL IN ONE.

ஜனவரி மாத சிறார் திரைப்படம் "ஹரிதாஸ்"(முழு திரைப்படம்)"_*👇👇👇

ஹரிதாஸ் -திரைப்பட கதைச்சுருக்கம்:

சிவதாஸ் (கிஷோர்) ஒரு தைரியமான மற்றும் நேர்மையான போலீஸ் அதிகாரி,  இரக்கமின்றி  மோசடி செய்பவரைப் பிடிக்கும் வேலையில் இருக்கிறார். மன இறுக்கம் கொண்ட தனது மகன் ஹரிதாஸை (பிருத்விராஜ் தாஸ்) கவனித்துக்கொள்வதற்காக அவர் சிறிது நேரம் படையை விட்டு வெளியேற வேண்டிய கட்டாயத்தில் உள்ளார். அமுதவல்லி (சினேகா) சிறப்புக் குழந்தைகளைக் கையாள்வதில் நிபுணத்துவம் பெற்ற ஆசிரியை. ஹரிதாஸை மிகவும் சிரமப்பட்டு ஒரு சாதாரணப் பள்ளியில் சேர்த்தார்.ஆட்டிஸம்  ஒரு நோயல்ல, அதற்கு அனுதாபத்தை விட கூடுதல் பாசமும் கவனிப்பும் தேவை என்ற உண்மையை அவர் புரிந்துகொள்கிறார். ஒரு காலக்கட்டத்தில் ஆசிரியருக்கும் மாணவருக்கும் இடையிலான பிணைப்பு ஒரு பிரகாசமான சூரியகாந்தி போல மலர்கிறது.தந்தை-மகன் உறவு எப்படி உருமாறுகிறது என்பது இந்த ஆத்மார்த்தமான கதையின் மீதியை உருவாக்குகிறது.

MOVIE DOWNLOAD LINK:

ஜனவரி மாத சிறார் திரைப்படம் ஹரிதாஸ் டவுன்லோட் செய்வதற்கான நேரடி லிங்க்👇👇👇

https://ddx6ukbne05nx.cloudfront.net/dashboard

THE JUNGLE GANG- சிறார் திரைப்பட வினாடி வினா, MOVIE QUIZ

THE JUNGLE GANG -

 சிறார் திரைப்பட வினாடி வினா.

            "The Jungle Gang"  இந்தியாவில் உள்ள குழந்தைகள் மற்றும் இளைஞர்களை இலக்காகக் கொண்ட ஒரு சுவாரஸ்யமான மற்றும் கல்வி சார்ந்த வனவிலங்கு திரைப்படத் தொடர். 

• THE JUNGLE GANG- MEETS THE RHINO

• THE JUNGLE GANG-MEETS THE THE TIGER

• THE JUNGLE GANG-MEETS THE THE ELEPHANT

• THE JUNGLE GANG-MEETS THE THE BEAR

இத்திரைப்படத்தின் வினாடி வினா இங்கே பகிரப்பட்டுள்ளது.

👉MOVIE CLUB REGISTER - சிறார் திரைப்பட மன்ற பதிவேடு                 👉👉CLICK HERE TO DOWNLOAD

👉THE JUNGLE GANG - அக்டோபர் மாத சிறார் திரைப்படம்- கதைச் சுருக்கம், MOVIE SCREENING PROCEEDINGS, MOVIE DOWNLOAD LINK,MOVIE POSTER.ALL IN ONE LINK..👉👉 CLICK HERE

👉ஹருண்-அருண் சிறார் திரைப்பட வினாடி வினா HARUN- ARUN MOVIE QUIZ - CLICK HERE

👉ஹருண்-அருண்- SEPTEMBER MOVIE POSTER  MOVIE DOWNLOAD LINK ,கதைச் சுருக்கம்,சிறார் திரைப்படமன்றப் பதிவேடு.(ALL IN ONE) CLICK HERE

👉E.T Movie poster, கதைச் சுருக்கம்,சிறார் திரைப்படமன்றப் பதிவேடு- JULY 2023 (ALL IN ONE) -👉👉click here

👉நிலா வினாடி வினா  -ஆகஸ்டு மாத சிறார் திரைப்படம் வினாடி வினா கேள்விகள்.👉👉click here

👉நிலா -ஆகஸ்டு மாத சிறார் திரைப்படம்- வழிகாட்டு நெறிமுறைகள், NILA MOVIE POSTER , NILA MOVIE,  DOWNLOAD LINK, CHILDREN MOVIE REGISTER  (ALL IN ONE) 👉👉- click here

👉E.T -THE EXTRA TERRESTRIAL திரைப்பட  வினாடி வினா-JULY MONTH CHILDREN MOVIE QUIZ-2023👉👉 click here

ஹருண்-அருண்- SEPTEMBER MOVIE POSTER MOVIE DOWNLOAD LINK ,கதைச் சுருக்கம்,சிறார் திரைப்படமன்றப் பதிவேடு.(ALL IN ONE)

HARUN-ARUN MOVIE POSTER-1

MOVIE POSTER👇👇

HARUN-ARUN-MOVIE POSTER-2

பள்ளிகளில் சிறார் திரைப்படம் திரையிடும் போது பின்பற்ற வேண்டிய வழிகாட்டு நெறிமுறைகள் குறித்து பள்ளிக் கல்வி இயக்குநரின் செயல்முறைகள்!!!

ஹருண்‌-அருண்‌ - கதை சுருக்கம்:

ஹருண்‌-அருண்‌ திரைப்படத்தை இயக்கியவர்‌ வினோத்‌ கணத்ரா. இது குஜராத்திமொழியில்‌ எடுக்கப்பட்ட திரைப்படம்‌ ஆகும்‌. ஒரு மணி நேரம்‌ 13 நிமிடங்கள்‌ ஓடும்‌இத்திரைப்படத்தை தயாரித்தது இந்திய குழந்தைகள்‌ திரைப்பட சங்கம்‌ (CFS)

"ஹருண்‌', பாகிஸ்தானில்‌ இஸ்லாமிய மத நம்பிக்கைகளை பின்பற்றும்‌ சிறுவன்‌. ஹருண்‌ தனது தாத்தாவுடன்‌ அவரது நண்பரை சந்திக்க குஜராத்தில்‌ உள்ள கட்ச்‌ பாலைவன எல்லை வழியாக இந்தியாவுக்குள்‌ நுழைகிறான்‌. அந்த பயணத்தில்‌ தனது தாத்தாவிடமிருந்து பிரிந்து, குழந்தைகள்‌ நிறைந்த ஒரு குடும்பத்தில்‌ தஞ்சமடைகிறான்‌, அவன்‌ பெயரை 'அருண்‌' என்று தவறாக புரிந்துகொள்கிறார்கள்‌.ஹருண்‌ தனது அன்பாலும்‌ தைரியத்தாலும்‌ அக்குடும்பதையும்‌ கிராமத்தையும்‌ வெல்கிறான்‌. ஆனால்‌, அவன்‌ பாகிஸ்தானை சேர்ந்தவன்‌ என கண்டுபிடிக்கப்பட்டபோது, அவனது மதத்தின்‌ அடிப்படையில்‌ கிராமபெரியவர்களால்‌ சந்தேகிக்கப்படுகிறான்‌. இச்சூழல்‌உருவாக்கிய சவால்கள்‌ மற்றும்‌ எல்லா பாகுபாடுகளையும்‌ கடந்து அவனது அன்பு வெல்ல முடியுமா? என்பதே இக்கதை.
நட்பும்‌, தாய்மையும்‌, குழந்தைகளின்‌ மனமும்‌ பாகுபாடுஅறியாதது; வேறுபாடு காணாதது எனும்‌ உண்மையை உணர்வு ரீதியாக பார்ப்பவர்களுக்குள்‌ ஏற்படுத்துகிறது.

பெற்ற விருதுகள்‌:

1. அமைதிக்கான விருது - சிக்காகோ சர்வதேச குழந்தைகள்‌                        திரைப்பட விழா

2. சிறந்த இளையோருக்கான விருது (8௨5( /பாரரா ௭ன)- டாக்கா                சர்வதேச திரைப்பட விழா - பங்களாதேஷ்‌

3. டிரான்ஸ்மீடியா விமர்சகர்கள்‌ ஜூரி விருது - மும்பை

4. ஆசிய ஒளி விருது - புத்தத்‌ திரைப்பட விழா - இலங்கை

5. மனிதநேய விருதுக்கான சிறப்பு குறிப்பு - ரிமோஸ்கி சர்வதேச                திரைப்பட விழா- கனடா

6. சிறந்த ஆடை வடிவமைப்பு விருது - 29வது ஆக்பர்க்‌ குழந்தைகள்‌          திரைப்பட விழா, ஜெர்மனி

திரைப்படம்‌ திரையிட்டபின்‌ உரையாட வேண்டியவை- கருத்துக்‌ கேட்பு அமர்வு

1. இந்த திரைப்படம்‌ உங்களுக்கு பிடித்திருக்கிறதா?
2. இத்திரைப்படத்தின்‌ மூலக்கரு/மையக்‌ கருத்து என்ன ?
3. கதை எதைப்‌ பற்றியது அல்லது யாரைப்‌ பற்றியது? அதை எப்படி அறிந்தீர்கள்‌?
4. கதையில்‌ நிகழும்‌ மிக முக்கியமான சம்பவங்கள்‌ என்னென்ன?
5. எந்த கதாப்பாத்திரம்‌ உங்களை மிகவும்‌ கவர்ந்துள்ளது?
6. திரைப்படத்தின்‌ வாயிலாக தாங்கள்‌ கற்றுக்கொண்ட முக்கிய கருத்துகள்‌  என்னென்ன? -
7. இப்படத்திற்கு வண்ணங்கள்‌ எவ்வாறு முக்கியத்துவம்‌ அளிக்கிறது?     
8. இப்படத்திற்கு இசை அல்லது ஒலி எவ்வாறு முக்கியத்துவம்‌ அளிக்கிறது?
9. எந்த ஒரு கதாப்பாத்திரத்திற்கு நீங்கள்‌ பின்னனிக்குரல்‌ கொடுக்க           விரும்புவீர்கள்‌, அப்படி இருப்பின்‌ நீங்கள்‌ என்ன சொல்வீர்கள்‌?
10. இத்திரைப்படத்தை பற்றி உங்கள்‌ நண்பர்களுடன்‌ உரையாடுவீர்களா, மற்றும்‌ அவர்கள்‌ இப்படத்தை காண சொல்வீர்களா? ஏன்‌?
11. இத்திரைப்படம்‌ பற்றி உங்களின்‌ எண்ணங்களை 2 வரிகளில்‌ எழுதுக.

SPOTLIGHT-வினாக்கள்‌:

1. கதையின்‌ தொடக்கத்தில்‌, இடையில்‌ மற்றும்‌ முடிவில்‌ என்ன நடக்கிறது?
2. இந்த கதை எந்த இடத்தில்‌ நடக்கிறது?
3. இந்த கதை எங்கு நடக்கிறது என்று எப்படி அறிவது?
4. திரைப்படத்தில்‌ ஒன்றுக்கும்‌ மேற்பட்ட முக்கிய கதாபாத்திரங்கள்‌ உள்ளனவா?
5.  இக்கதை முக்கிய கதாபாத்திரத்தை தழுவி உள்ளதா அல்லது பிறரை பற்றியதா?
6. எந்த  கதாப்பாத்திரத்திற்காவது குறிப்பட்ட இசை அல்லது ஒலி கொடுக்கப்பட்டுள்ளதா?
7. எந்த ஒரு குறிப்பிட்ட கதாபாத்திரத்திற்காவது குறிப்பிட்ட வண்ணம்‌ /தொடர்புடையதாக உள்ளதா வண்ணங்கள்‌?
8. கதையின்‌ தொடக்கத்தில்‌ நாம்‌ எங்கிருந்தோம்‌ என்று நினைக்கிறீர்கள்‌?
9.  இந்தக்‌ கதை எப்போது நிகழ்கிறது எனக்‌ கூற முடியுமா? 
10. இந்த கதை கடந்த காலத்தை சார்ந்ததா அல்லது நிகழ்காலத்தைச்‌ சார்ந்ததா என்பதை எப்படி அறிவீர்கள்‌?
11.  இத்திரைப்டத்தின்‌ முழு கருத்தையும்‌ மூன்று நிமிடங்களில்‌ உங்களால்‌நடித்துக்‌ காட்ட முடியுமா?

MOVIE CLUB REGISTER - சிறார் திரைப்பட மன்ற பதிவேடு 👉👉CLICK HERE TO DOWNLOAD

HARUN-ARUN MOVIE DIRECT DOWNLOAD LINK WITH TAMIL CAPTIONS

👉👉👉 https://ddx6ukbne05nx.cloudfront.net/dashboard

E.T Movie poster, கதைச் சுருக்கம்,சிறார் திரைப்படமன்றப் பதிவேடு- JULY 2023 (ALL IN ONE) -👉👉click here

நிலா வினாடி வினா  -ஆகஸ்டு மாத சிறார் திரைப்படம் வினாடி வினா கேள்விகள்.👉👉click here

நிலா -ஆகஸ்டு மாத சிறார் திரைப்படம்- வழிகாட்டு நெறிமுறைகள், NILA MOVIE POSTER , NILA MOVIE,  DOWNLOAD LINK, CHILDREN MOVIE REGISTER  (ALL IN ONE) 👉👉- click here

E.T -THE EXTRA TERRESTRIAL திரைப்பட  வினாடி வினா-JULY MONTH CHILDREN MOVIE QUIZ-2023👉👉 click here

HOW  TO SCREEN THROUGH EMIS APP?

நிலா வினாடி வினா -ஆகஸ்டு மாத சிறார் திரைப்படம் வினாடி வினா கேள்விகள்.

நிலா வினாடி வினா  -ஆகஸ்டு மாத சிறார் திரைப்படம் வினாடி வினா கேள்விகள்.
PREVIEW HERE...

TO DOWNLOAD 👉👉CLICK HERE.

If anyone need answers to this quiz please Comment👇👇 

நிலா -ஆகஸ்டு மாத சிறார் திரைப்படம்- வழிகாட்டு நெறிமுறைகள், NILA MOVIE POSTER , NILA MOVIE, DOWNLOAD LINK, CHILDREN MOVIE REGISTER (ALL IN ONE)

பள்ளிகளில் நிலா -ஆகஸ்டு மாத சிறார் திரைப்படம் திரையிடும் போது பின்பற்ற வேண்டிய வழிகாட்டு நெறிமுறைகள் குறித்து பள்ளிக் கல்வி இயக்குநரின் செயல்முறைகள்!!!

 

நிலா சிறார் திரைப்படம் (சுருக்கம்)

படத்தின் பெயர்: நிலா

எழுத்து, இயக்கம்:ஞாநி

நடிப்பு: நாசர் மற்றும் பலர்.

கதை: மன்னன் (நாசர்) மகள் (6 வயது) கயல்விழி கடலை உருண்டைகளை அதிகமாகச் சாப்பிட்டு உடல்நலமற்று இருப்பாள். மருத்துவர் அவளுக்கு மருந்து கொடுத்து விட்டு மன்னரிடம் இளவரசியின் மனக்குறையைப் பூர்த்தி செய்தால் தான் உடல் நலம் முழுமையாக கிடைக்கும் என்று கூறுவார். மன்னர் மகளிடம் என்ன வேண்டும்? என்று கேட்க "நிலா" வேண்டும் என்று கூறுவாள். உடனே மன்னர்- அமைச்சர், மந்திரவாதி, கணித வல்லுனர் ஆகியோரிடம் கேட்க, ஒவ்வொருவரும் நிலவின் தூரம், கருப்பொருள், அளவு பற்றி விதவிதமாகக் கூறி நிலவைப் பிடித்து வரமுடியாது என்பர். பிறகு மன்னர் கோமாளியைக் கேட்பார். கோமாளி இளவரசியிடம் கேட்பார். இளவரசி நிலா மரத்தின் பின்னால் உள்ளதாகவும், கட்டைவிரலில் பாதியளவு இருக்கும், தங்கத்தால் ஆனது என்றும் கூறுவாள். உடனே கோமாளி பொற்கொல்லரிடம் செய்யச் சொல்லி தங்கச் சங்கிலியில் தங்க உருண்டையைக் கோர்த்து நிலா இதோ என்று இளவரசியிடம் கொடுக்க இளவரசியும் மகிழ்ச்சியாகப் போட்டுக் கொள்வாள். ஆனால் மன்னரும் மற்றோரும் இரவில் மீண்டும் நிலா தெரியுமே அப்போது இளவரசி தான் ஏமாற்றப் பட்டதாக நினைப்பாளே என்று சஞ்சலம் அடைவர். ஆனால் கோமாளி இதைப் பற்றி இளவரசியிடமே கேட்போம் என்று இளவரசியிடம் கேட்க இளவரசியும் ஒரு பல் விழுந்தால் மீண்டும் அங்கே பல் முளைப்பது போல ஒரு நிலா என்னிடம் உள்ளது. அடுத்த நிலா வந்து விட்டது என்று கூறுவாள்.

விமர்சனம்: நிலா திரைப்படம்

எழுத்தும், நடிப்பும் அருமை.படம் 24 நிமிடங்கள். குறும்படம் ஆதலால் சலிப்பில்லை.

கருத்து:

பெரியவர்கள் சிக்கலாக எண்ணி ஆராயும் விடயத்தை, குழந்தைகள் அவர்களது கண்ணோட்டத்தில் எளிமையாகக் கையாள்வர் என்பதை விளக்கும் படம். குழந்தைப் பருவத்தில் குழந்தைகளைக் குழந்தைகளாக வாழ வழி செய்வோம்!

 

DOWNLOAD NILA MOVIE POSTER HERE

   

                                                   DOWNLOAD NILA MOVIE  

CLICK HERE 👈👈   E.T Movie poster, கதைச் சுருக்கம்,சிறார் திரைப்படமன்றப் பதிவேடு- JULY 2023

CLICK HERE 👈👈 MOVIE CLUB REGISTER - சிறார் திரைப்பட மன்ற பதிவேடு